– مرحبا حي الله من جانا
– السلام عليكم
– السلام ورحمة الله , حياكم الله
– اخبارك؟
– اخباري زينه, هذا محل احمد بن عباس الخزاعي
– والنعم
– ينعم بحالج
– احمد كم سنه صار لك تشتغل هالشغله ؟
– فوق 400 سنه من جد واب وجد تاريخ يعني
– انزين هالشغله انت ورثتها من حد ؟
– ورثتها من جدي وابوي
– كلهم يشتغلوون بالعلاج بالاعشاب؟
– كلهم يشتغلون بالاعشاب والاطعمه في التسليم الاول وانا ورثتها منهم
– شلون اكتشفها ؟
– من استويت وانا بهالشغله
– يعني شفت ابوك وجدك؟
– اي نعم شفتهم وتعلمت منهم
– انزين ليش اخترت انك تمشي على نهجهم ليش مب شغله ثانيه , شمعنى العلاج بالاعشاب؟
– الاعشاب تاريخ, من زمن الرسول
– ليش شفيه الاعشاب؟
– يعني ياخذون الحلبه وحبة الحمره وسويده وزعتر زمر وكل شي ياخذون حق الغازات والسكري
– في ناس من قبل ايجونكم ولين الحين هم ايجونك؟
– الي ماتو عليهم رحمة الله كانو ايون ياخذون كل شي واولادهم وبناتهم الي استورثوهم الحين ايجون من تراث ابهاتهم وامهاتهم يشترون هالاشياء ويعرفون كل شي
– انزين قول لي مرض انت عالجته والطب ماقدر يعالجه؟
– انا بس ايجوني يسالوني ويشترون الاعشاب من عندي
– مثلا يعني ؟
– اشياء واجد فيه حجيه
– مثلا يعني؟
– واحد في كحه واحد بطنه يعوره او راسه , هم يعرفون الاشياء ويشترونها مني
– في مثلا حد جالك قال لك انا فيني كذا كذا كذا وانت قلت له انا ماعرف اعطيك شي عشان تتعالج؟
– لا هو بنفسه ايجه ويطلب الحاجه وانا اعطيه
– يعني كل من ايجيه يكون عارف وعنده خلفيه عن الاعشاب
– اي كلهم عندهم خلفيه
– ايجونك وايد ناس ولا بس من الخليج ؟
– ايجوني من المغرب وتونس الجزائر والسعوديه لان ماتوجد عنهم بعض الحاجات
– انزين انت يوم بديت اكيد ما كان محل في البدايه ؟
– لا هاي الدكاكين عند ابوي وجدي انا وياهم رابي
– يعني من البدايه كان بسوق واقف ؟
– اي رقم واحد
– هاي اخر واحد , هالمحلات عند ابوي وجدي في تمر وقهوه وطحين وعيش و يحطون الاغراض فوق الجمل ..
– انتي تعرفين الجمل؟
– اي اعرف
– اي ايحطون الاغراض فوق الجمل ويودونهم من مكان لين مكان
– انزين انت تستخدم الاعشاب؟
– انا استخدم اي حاجه تعجبني احطها في حلجي قبل لا اعطيها الشراي
– حتى لو مافيك شي ؟
– حتى لو مافيني شي هذه فوايدها اكثر من اشيائها
– يعني الي ياخذها ماينضر؟
– مافيها اضرار هذه طبيعيه تاكل وتشرب منها كل شي بس بالقانون
– يعني مثلا واحد راسه يعوره تعطيه مره ؟
– اي ياكل منها شوي وشوي يمشه على راسه
– ويخف ؟
– اي يخف بأمر الله
– واذا مثلا واحر بطنه يعوره ؟
– يشرب له قلاص زعتر ولا نعناع ولا بطنج هاي كله حق الغازات وحق السكري ياخذ جعد ويروح عنه السكر
– يروح منه السكر؟؟
– ما يفكه بس يخفف عنه
– انزين مثلا كلمنا عن شي موجود عني مثلا هاي الاخضر؟
– هاي الله يسلمج اسمه بطنج
– هاي حق شنو ؟
– هاي الله يسلمج حق الغازات الي عنده انتفاخ في بطنه وفي اصوات “غرغرغر” في بطنه يشرب هذا صبح وظهر ومغرب ثلاث مرات باليوم والانتفاخ يروح
– هاي اسمه جعد اذا الواحد بطنه يمشي هذا ايود البطن
– ومن هذا الي بالصوره الي هناك ؟
– هذا ابوي جاسم ن عباس الخزاعي , انا استورثت المحل منه
– وابوك هو كان ممحل ابوه؟
– اي من جد بعد جد
– عرف لي الاعشاب , عطني خلفيه ؟
– الاعشاب الي يشتريه يطبخه ويشربه هاي طريقة استخدامه ويشرب منه صبح ظهر مغرب والله يشفيهم
– انت قلت لي مساع ان ايجونك دكاتره ياخذون اعشاب ؟
– اي اذا احتاجو ياخذون
– اي مثلا شنو ياخذون؟ ماتذكر شنو اخر دكتور خذا منك ؟
– مثلا ياخذون سنود حق اولادهم او ينسون ويطبخون اولادهم
– الدكاتره ؟
– اي الدكاتره يشترون وام الدكاتره يشترون حق اولادهم وبناتهم والاطفال الصغار بعد وينصحون بعض الدكاتره انهم يشترون سنود وينسون انهم يشترون لعيالهم , مايقصرون الدكاتره يرشدونهم على الاعشاب
– انزين شنو هاي السنود؟
– السنود سنود بعد
– يعني حق شنو
– ينفع الغازات مثلا الياهل مايرقد فليل يعطونه ويرتاح
– انزين خلاص عيل خذت من وقتك , تسلم
– اهلا وسهلا حياكم الله, واحنا حاضرين باللي تامرون فيه احنا بالشوفه لكم والي ينفعكم ينفعنا , وان شاء الله تحصلون الشهادات والعلامات اضافه لكم والدكاتره مايقصرون يساعدونكم ان شاء الله
– ان شاء الله
